Kufftan By Safdar Karbalai Saraiki PDF Book
:نام
صفدر عباس خان
:قلمی ناں
صفدر کربلائی
:استاد شاعر
استاد نذیر ڈھالہ خیلوی
:کتاباں
شام توں پہلے
بحرین دے موتی
کفتاں
میرا حسین ابھی کربلا نہیں پہنچا
ثنائے مظہر العجائب (تحقیق)۔
لیر کتیراں خیمے "تحقیق" ۔
دبستان کچھی "تحقیق"۔
جڈاں وی بھکر دے شاعراں دا ذکر تھیووے تاں سئیں صفدر کربلائی دا ناں ضرور آندے۔ سئیں صفدر کربلائی سہنڑی تے آسان سرائیکی لکھنڑ آلے شعرا اچوں ہک ہن اور آپنڑا مقام رکھندن شعر پڑھنڑ دا انداز بہوں سہنڑا اے جناب ہونڑیں ہک بہترین شخصیت دے مالک ہن۔
سئیں صفدر کربلائی دی کتاب "کفتاں" پیش خدمت ہے جوکہ ہک شاعری مجموعہ ھے پڑھ کہ ضرور محزوز تھیسو۔
جیون
روح دے وزنی پڑ دے تلے
ساہ دے دانے پسدے پئے ہن
اٹے وانگوں ڈسدے پئے ہن
نہ کئی دانڑے کیرنڑ والے
نہ کئی چکی پھیرنڑ والے
ہک فجریں توں بئی فجریں تائیں
آپ مہاڑی ہلدی پئی اے
کنڑک دی چنگ چنگ رلدی پئی اے
جسم دی چکی چلدی پئی اے
غستان
محلاں دے وچ سمنڑ والے
بتھی ریت اچ بتھے پئے ہن
کجھ مٹی دے تلے پئے ہن
کجھ مٹی دے اتے پئے ہن
کتنے چن جئیں چہرے صفدر
قبراں دے وچ ستے پئے ہن
کوٹھا
روح دا تار حویل ڈھہا کے
جسم دے کچے کوٹھے دے وچ
پلکاں دی در سال دے اندروں
اکھ دا پانڑی ہوئیں ہولیں
ایراں دے وچ لہندا ویندائے
لگدے کوٹھا باہندا ویندائے
شاعری
اپنڑیں خون کوں تیلی لا کے
ذہن دی بٹھی گرم کرینداں
سوچ دے بلدےبھانبھڑ دے وچ
روح کوں ساڑ چھڑینداں
وت کئی شعر لکھینداں
Posted By:
FoMi BaLOch
Contact
Whatsapp
03449381525
Facebook
www.facebook.com/SadiBethak
Special Thanks
Malik Imtiaz Ahmad Saghir
❤️
Comments