Zameen Jagdi a By Iqbal Sokri Saraiki PDF Book
کڈاھیں سرائیکی شاعری دا ذکر تھیسی تے ول
غزل تے گاہل آسی تاں سئیں اقبال سوکڑی دا ذکر ضرور تھیسی کیوں جو اقبال سوکڑی کوں سرائیکی غزل دا بادشاہ شاعر آکھیا ویندے، سئیں اقبال سوکڑی سوکڑ یعنی ڈیرہ غازی خان دے راہونڑ آلے ہن انہاں دے ناں نال سوکڑی دا لفظ انہاں دے شہر دی وجہ کن ھے سئیں ہونڑیں کئی کتاباں دے مصنف ہن جنہاں وچ کجھ تلے لکھیاں گئین۔
ہنجوں دے ہار
ڈوکھ دی جنج
کالے روہ چٹی برف
ورقہ ورقہ زخمی
لیرولیر پچھاواں
اٹھواں آسمان
بے انت
زمین جاگدی اے
اساں اج تمام قارئین کوں سئیں ہونڑیں دی نویں نکور کتاب "زمین جاگدی اے" بطور تحفہ پیش کریندے پئے ہیں۔
۔
۔۔۔۔۔۔۔۔۔
شَالا تیکوں وِی سَاڈے جَگارے مِلن
شَالا تیڈیاں وی چَھت نَال چَھاتیاں لَگن
۔۔۔۔۔۔۔۔
کیا خبر ایں محابے کوئی پیغمبر آ ونجے
اپنڑی وستی وچ ابو جہلیں دا گھر ہووے پیا
۔۔۔۔۔۔۔
جے آئے تاں اوندے نال خدائی دی جھلک ہئی
جے گئے تاں غریبیں دا خدا نال گھدی گئے !
۔۔۔۔۔۔۔
جے دعا بے اثر ولی آسی
کیا تھیا اپنڑے گھر ولی آسی
لوک وستی دے باہر چھوڑ آسن
تیڈی وستی اگر ولی آسی
(اقبال سوکڑی۔۔(زمین جاگدی ھ )
سوکڑی صاحب دی نویں کتاب زمین جاگدی ھ سوکڑی صاحب میکوں دان کیتی ہے جیندے کیتے میں بہوں شکر گزار ہاں۔۔۔۔ دور حاضر اچ جتھاں سرائیکی شاعری اچ بہوں سارے معتبر شعراء دے ناں آندن۔ تاں انہیں شعراء اچ صرف واحد شاعر اقبال سوکڑی ہے جہڑا سرائیکی غزل دی ترقی واسطے وقت دے نال نال مسلسل جدوجہد کریندا آندے ۔ جدید سرائیکی غزل کوں اگوہاں پندھ ڈیونڑ کیتے سوکڑی صاحب غزل تے اوں وہلھے کم کرنڑ شروع کیتا جڈاں پنجابی اردو فارسی شاعری دے مقابلے وچ سرائیکی غزل کوں تسلیم ناہی کیتا ویندا تاں الحمد للہ اقبال سوکڑی دی انڑ کھٹ محنت نال اج سرائیکی غزل اپنڑاں الگ مقام رکھدی ہے۔۔ سرائیکی ادب وچ سوکڑی صاحب دی اہمیت اوں ککر دےدرخت دی ہے جہڑا صحرا دیوچ اکھیں کھلیندے تاں اپنڑے نال بئے بہوں سارے، درختیں کوں ڈیکھ کے اندازہ کر گھندے جو ایں صحرا اچ جیونڑ کیتے بہوں سختی برداشت کرنڑی پوسی موسمی تبدیلی دے نال جتھاں بئے سارے درخت سک سڑ گئے تاں اتھاں ککر دے درخت موسم دی سختی کوں اپنڑے اتے وزبر نی تھیونڑ ڈتا اور اپنڑے آپ کوں ہر حالات اچ جیونڑ دا ڈھنگ سکھاے نے۔سوکڑی صاحب وی اپنڑی ماء دھرتی دے نال ہونڑ والے ظلم جبر سرداری نظام محرمیاں اپنڑی شاعری نال اجاگر کیتن۔ہمشہ اپنڑی وسوں دی گال کیتی ہے اپنڑی مٹی دی گال کیتی ہے سرائیکی ادب تے انہیں دے احسان ڈھیر ۔ اساں خوش قسمت لوک ہیں جو ساکوں ایں درخت دی جھاں میسر ہے۔ اللہ پاک انہیں کوں سلامت رکھے آمین
اشرف رافت
Posted By:
FoMi BaLOch
Contact
Whatsapp
03449381525
Facebook
www.facebook.com/SadiBethak
Special Thanks
Malik Imtiaz Ahmad Saghir
❤️
Comments
دعاگو
سلیمان سہو
تھل لیہ