Sawanr Mukda Wendy By Abdul Kareem Sajan PDF Saraiki Book
سئیں عبدالکریم ساجن صاحب دی کتاب ساون مکدا ویندے ایں وقت میڈے اگو (سامنے)لاتھی ہے
ساجن صاحب اپنی کتاب کوں ہک نویں انداز وچ چھپوائے نے نویں انداز دا مطلب. پہلے روایتی انداز وچ شاعر اپنا مسودا اپنے ہم عصر وڈے شاعریں دو چاویندے انہیں کوں درخواست کریندے کہ میڈی کتاب تے تبصرہ لکھ ڈیوو
او شاعر مصنف دی منہ رکھنڑی رکھیندیں ہوئیں شاعر تے اوندی کتاب دی تعریف وچ زمین اسمان دے قلابے ملاڈیندے لیکن ساجن صاحب ایں روایت کو تروڑ کے ہک نویں روایت شروع کیتی اے جیڑھی میڈے خیال وچ ہک اچھی کاوش ہے
اور کتاب چھپن دے بعد ہر شاعر تے مبصر کوں اجازت ہے او کتاب کوں پڑھ کے تبصرہ لکھے اور اپنا تبصرہ سوشل میڈیا دے ذریعے لوگیں تک پہنچاوے
لفظ ساون اپنے اندر سمندر دی گہرائی تے صحرا دی وسعت رکھدے
ساجن صاحب ساون کوں بطور استعارہ استعمال کیتے جیندا مطلب جوانی رونق چہل پہل ہک اینجھا دور جیندے وچ خوشیاں ای خوشیاں ہن میل ملاپ ہن
ساجن وقت ہا جئیں ویلھے ہن قسماں لوک پلیندے
ہنڑ تاں قسماں رسماں بنڑ گئین ساون مکدا ویندے
ساجن صاحب دے ایں شعر دے وچ لفظ ساون دی مکمل تشریح تھئی کھڑی ہے
ہک وقت ہا یار دی خاطر یار جان ڈیندے ہن
قسماں تے وعدے دا پاس رکھیندے ہن ہک ڈوجھے دے کم آندے ہن۔ لیکن اج دے دور وچ اے قسماں رسماں بنڑ گئین ساون مکدا ویندے۔
ساون مکدا ویندے دا مطلب اے پیار میل ملاپ ہک ڈوجھے دے کم آونڑ ہک ڈوجھے دی امداد کرنڑ سب مکدا ویندے ہر کہیں کوں آپ تڑاپی اے نفسا نفسی دا دور اے
وکھرا نگر ہے عشق دا ایندا خدا وکھر ہوندے
ایں دنیا دے وچ ارباں لوگ وسدن اور لاتعداد مذاہیب ہن ہر مزہب دے لوگ خدا کوں اپنے زاوے تے نظریے نال منیندن تے اوندی عبادت کریندن خدا دے وجود تے یقین رکھن آلے تمام لوگ خدا نال عشق رکھدن انہیں دا خدا نال عشق اور عبادت کرنڑ دا انداز طریقہ وکھرا وکھرا ہے۔
ہک افتباس
محمد جاوید
ساون مکدا ویندے تے ہک تردی جهات
شاعری ہک منتر ہے تے شعر آکهن زندگی دی ہک نویکلی رمز ہے
شعر اچ سب کجه موجود ہے جیرها کجه ساکوں مذہب دے راہوں ٹکردے شاعری اچ منطق یا فلسفہ وی ساکوں پورے رسوق نال ملدے ساڈی زندگی کوں سدهار واسطے جیرهی شئے لوڑیندی ہے او سب شاعری وچ موجود ہے
ساون مکدا ویندے کریم بخش ساجن دی پہلی کتاب ہے جیرهی بہوں ای سوہنے انداز اچ رجے کجے مواد نال چهپ کے اپنے قاری دے ہتهیں پنی ہے
ساجن صاحب دی شاعری دا سب توں وڈا پہلو تاں روایتی عشقیہ شاعری ہے پر عشق کوں اپنے کہیں خالص انداز اچ اپنایا گئے او کتاب دے ابتدائہ اچ ہک اینجها شعر آکه ڈیندن
وکهرا نگر ہے عشق دا ایندا خدا وکهرا ہوندے
سجدے قضا وکهرے تهیندن سجدہ ادا وکهرا ہوندے
ساجن سئیں دی کتاب ساڈے خاص انداز حمد تے نعت توں منڈه بدهیندی هوئ غزلیں ڈوہڑیں تے نظمیں دے بہوں درگهان نال ساڈے چیتے نال سانجه کریندی ہے تے ایندے ان کهٹ خزانیں اچوں ہر کہیں کوں اپنی پسند اپنا حصہ ضرور ٹکر پوندے
توں وی لک لک ڈیہدا ہاویں
یاد تاں ہوسیا جهات پرانی
مونجه تیڈی وی تیڈے وانگوں
ڈیندی ہے خیرات پرانی
ساجن سئیں دی شاعری دا وڈا موضوع تاں اویں وسیب یا بیٹ تے بیلا ہے لیکن انہیں اپنے ایں موضوع کوں ساڈے اج جدید نال جوڑ کے کافی ترقی ڈتی ہے اج دے تبدیل تهیندے حالات دے تناظر اچ او اپنی دهرتی دا نوحہ ایں پڑهدا کهڑے
ٹالہیاں گالہیاں تر تر ڈیہدین بیریں بور توں جهریاں
اوہے آٹہئے پینگهاں پیندیاں لاہیں یاد کریندن
ساجن دی شاعری کوں اگر فن دی بنیاد تے پرکهیجے تاں ہنر دی دیوی انہاں تے مہربان ہے انہاں دے شعریں وچ ردیف ہئتاں بحراں استعارے تشبیعاں نت نویں تجربات توں گذردیں اپنے قاری کوں کہیں حیرت قدے وچ سٹ ڈیندن
ساجن جئیں فنکار دیاں اے خوبیاں اوکوں معتبر فنکار بنا ڈیندئن تساں اے شعر ڈیکهو
اساں ہمیشہ بدن دی قید اچ
ایں سک کوں ساکهی دے وانگ رکهنے
جیکر ہے رہنا مگرمچهیں وچ
جگر مراکهی دے وانگ رکهنے
تحریر
خالد منیر خالد
Posted By:
FoMi BaLOch
Contact
Whatsapp
03449381525
Facebook
www.facebook.com/SadiBethak
Special Thanks
Malik Imtiaz Ahmad Saghir
❤️
Comments