Mundri By Manzoor Siyal PDF Book Of Saraiki Poetry
سئیں منظور سیال سرائیکی شعراء اچ آپنڑاں ہک مقام رکھیندن سئیں ہونڑیں دا تعلق تحصیل کوٹ ادو ضلع مظفر گڑھ نال اے۔
سئیں منظور سیال سرائیکی دے مہاندرے شاعر ڈوھڑے دے بادشاہ سئیں شاکر مہروی دے شاگرد ہن۔
سئیں ہونڑیں دی کتاب جہری سرائیکی شاعری دا مجموعہ اے تے سرائیکی ادب دا ودھارا ھے جہری ہنڑ تہاڈے اگوں ھے "مندری" دے ناں نال ستمبر 2019 دے وچ چھپی ہئ تساں ڈاؤن لوڈ کرکے پڑھ سگدے وے۔
منظور سیال دی۔۔۔مندری۔۔۔۔۔۔تے ھک ڈوھڑہ
احساس دے سارے رنگ سوگھے ھے جمل جہان ایں مندری وچ
خدخال خیال سوال سبھے ھن امن امان ایں مندری وچ
میڈی روح دی راحت مشک عمبرمیڈی جند تے جان ایں مندری وچ
منظور میکوں منظور چاکر ھن کل ارمان ایں مندری وچ ۔۔۔۔
،،مندری،،
میں پیار دا پاندھی مجنوں ہاں
میݙے ہتھ دی مُندری لیلیٰ ہے
میݙے ہتھ دی مُندری سسی ہے
آ میݙے من وچ وسی ہے
اے شیریں تے فرحاد وانڳوں
اے میݙے ڳل وچ ناد وانڳوں
میکوں پیار دے گُر سِکھلیندی ہے
کئی گُزریاں یاد ݙیویندی ہے
ایں مُندری دل کوں مُندریا ہے
ایں ہیر دی کِھل کوں مُندریا ہے
اے رانجھر رانجھر آہدی ہے
ایندے سنگ اچ میل دا میلہ ہے
میݙے ہتھ دی مُندری لیلیٰ ہے
اے مُندری اینجھی مُندری ہے
مَن مونجھے دے وچ سُندری ہے
ایندے نال زمانے گُزریے ہِن
دل اوکھی جاہ ونڄ پھسی ہے
میݙے ہتھ دی مُندری سسی ہے
ݙاݙھی مشکل دے وات آیاں میں
تیکوں ݙیکھنڑ جو رات آیاں میں
یار. یاریں دی نت خوشی کیتے
خرچ. اپڑیں وی ݙات آیاں میں
کل میں فرعون دی کچارھی وچ
چھیڑ موسی دی تات آیاں میں
تیڈی محفل دیوچ تاں اج سانوݪ
ݙیکھ اپڑیں اوقات آیاں. میں
چاے. جو. اصغر دا ناں کنارے تے
مونجھا کرکے فرات آیاں میں
اج. تاں منظور عرش اولی. تے
کرکے. اللہ دی. جھات آیاں میں
۔۔۔مندری۔۔۔
غزل
پیاردا سوال ھے
مندری دی گال ھے
جیکوں پیار مل گئے
اوتاں خوشحال ھے
سسی پنوں رل گئے
پیار داکمال ھے
چاھت ھے جوانی دی
پانی دا ابال ھے
دل داکیا پتہ ھے
دل کیندےنال ھے
بھاہ دے انگارےھن
دل گالھا بال ھے۔۔
شاعر
۔۔۔۔منظور سیال۔۔
انتخاب:
فومی بلوچ
Posted By:
FoMi BaLOch
Contact
Whatsapp
03449381525
Facebook
www.facebook.com/SadiBethak
Special Thanks
Malik Imtiaz Ahmad Saghir
❤️
Comments