Maikun Mehsoos Keta Kr By Aarish Gillani PDF Saraiki Poetry Book
اندر دا سوھنڑپ رکھنڑ آلا شاعر میڈا بھرا میڈا یار یاراں دا یار سرائیکی دھرتی دا سچا ملنگ ۔۔۔
سئیں سید فیاض حسین شاہ
ادبی ناں ۔۔ سئیں سید عارش گیلانی
بمقام ضلع لیہ جمن شاہ پپلی سیداں شریف
شاعری مجموعے
اڈراک ۔۔ 2011
بک پانڑیں دا ۔۔ 2013
رب دیاں جھالاں ۔۔ 2016
میکوں محسوس کیتا کر ۔۔ 2019
سئیں سید عارش گیلانی ساڈے سرائیکی وسیب دا ھک بہوں ھی مٹھا تے سوھنڑاں شاعر یاراں دا یار خوبصورت لب ولہجے دے نال نال ھک بہوں ھی خوبصورت انسان جمن شاہ دی دھرتی دا اے پھل اپنڑے وسیب نال بہوں محبت رکھنڑ آلا انسان وسیب دے محرومیاں روھی تھل دامان دے درد حق سچ دی گال محبت دے گاھلیں ھر موضوع تے الاونڑ آلا شاعر
انھاں دی چوتھی کتاب ۔۔ میکوں محسوس کیتا کر ۔۔
ھک سوھنڑی کتاب امید ھے سرائیکی ادب ءچ ودھارا ثابت تھیسی ۔۔
میکوں محسوس کیتا کر ۔۔ دے وچوں کجھ کلام دوستاں دی محبت سانگھے حاضر ھے ۔۔
۔۔۔۔۔۔۔۔۔۔۔۔۔۔۔۔۔۔۔۔
جدا تاں نسے تھی سگدے کڈی سوچیں ھا پھل بنڑ کے
میڈے کول آ میں خوشبو ھاں میکوں محسوس کیتا کر ۔۔
۔۔۔۔۔۔۔۔۔۔۔۔۔۔۔۔۔۔۔۔۔
مٹی ڈھووے گارا لووے تار حویلی ڈیوے
پیریں ڈھاندیں خان سڈیندیں تھکدے نسی تھوڈ
خان سڈیندے اوڈ ۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
قصے لیلی دے بہوں پرانڑے ھن
تیڈی میڈی مثال بنڑ گئی تاں ۔۔
ہتھاں پیراں تے لاونڑیں پوسی
مونجھ مہندی دا تھال بنڑ گئی تاں ۔۔ ۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انت ساہ ساہ ادھار دھرتی دا
ھر کوئی قرض دار دھرتی دا
روشنی وانگ سوجھلا رکھدے
جو ھے خدمت گزار دھرتی دا ۔۔ ۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میڈے یوسف دی دھاں نکل گئی ھے
وت بھراویں دا ذکر تھیندا پئے ۔۔
قدوقامت دے تبصرے تھئے ھن
اج پچھاویں دا ذکر تھیندا پئے ۔۔ ۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
تیڈے مکھ تے نقاب پھلاں دا
انت ڈیسیں حساب پھلاں دا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کل تماشے دا تہوں تماشا تھئے
ایں تماشے ءچ توں تے میں ھاسے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ساڈی جے مفلسی کنوں او ڈھیر تنگ ھے
ساکوں وی اوندے سیت نال کوئی غرض نئیں ۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جیویں میڈا سوھنڑاں یار ھزاراں سال شالا بخت بلند ھووی
تحریر:
ملک امتیاز احمد ساغر
Posted By:
FoMi BaLOch
Contact
Whatsapp
03449381525
Facebook
www.facebook.com/SadiBethak
Special Thanks
Malik Imtiaz Ahmad Saghir
❤️
Comments