Kujh Alla Sanwla By Ghayoor Bukhari PDF Saraiki Poetry Book
سرائیکی وسیب دے نکھیڑ انقلابی شاعر منفرد لہجے دے مالک سرائیکی دا بھاگ میڈا من پسند استاد شاعر 4 کتابیں ( عذاب خوابیں دے نال
ھوندن
( سر دھرتی دی ویل )
( کجھ الا سانولا )
( ساکھ )
دے خالق
سویل سرائیکی شمارے
دے چیف ایڈٹر بہاول پور
لکھاری مفکر انتہائی قابل احترام شخصیت سئیں
غیور بخاری
جناب ہونڑی سرائیکی اچ انقلابی شاعری کیتی ھے تہاکوں انہاں دی اے کتاب پڑھ کہ ضرور چس آسی۔
کلام
جیکوں درد دا داروں اَہدیں تیڈا درد ودھا وی سگدے،،
کہیں ویلے کُئی تیڈا دشمن تیڈی جان بچا وی سگدے،،
سب تے نہ اِتبار کیتا کر کہیں دا کُئی اِتبارنی سانول
جیرھا تیکوں بھولا لگدے تیکوں ویچ تے کھا وی سگدے،،
یاد رکھیں انسان جیہاں کُئی جگ تے بے اِتبارا کائینی،،
جیکوں توں مظلوم سمجھدیں تئیں تے قہر وسا وی سگدے،،
کہیں ویلے وی کُئی بدکار حیاء دا چولا پا سگدا ہے،،
کوئی شرم حیاء دا پیکر بے شرمی تے آ وی سگدے،،
جیکوں حُسن تے اتنا مانڑ اے اونکوں ونج تے کُئی آکھے ہا،،
تیڈے حُسن جمال دا بوٹا ہک پل وچ کُملا وی سگدے،،
جیندی وسعت دی حد کوئینی سوچ سمجھ توں بالا تر ہے،،
جے چاہے تاں کہیں ویلے او کہیں دے دل وچ آ وی سگدے،،
دھرتی جایا تیڈیاں جھوکاں اُجڑ ونجنڑ دا بہوں ارمان اے،،
مونجھا تے مایوس نہ تھیویں مولا ماڑ وسا وی سگدے،،
معجزے جگ تے تھیندے اَئے ہِن اَہدن موئے وی جیندے اَئے ہِن،،
جئیں ہِن ڈُکھ دے ڈانڑ کھوائے آب حیات پلا وی سگدے،،
جیندے ظلم جفا دے تیراں ماریا ہے غیور بخاری،،
اوہو بے اِتبارا سانول سارے قول نبھا وی سگدے،،
ـــــــــــــــــــــــــــــــــــــــــــــ
کجھ الا سانولا وچوں چونڑ
ــــــــــــــــــــــــــــــــــــــــــــ
غیور بخاری
Posted By:
FoMi BaLOch
Contact
Whatsapp
03449381525
Facebook
www.facebook.com/SadiBethak
Special Thanks
Malik Imtiaz Ahmad Saghir
❤️
Comments