Chekrri Sdd By Shabir Sharar PDF Poetry Book
نام۔۔غلام شبیر خان
تخلص۔۔ شبیر شرر
سکونت۔۔کوٹ ادو ،احسان پور، لیہ
تصانیف۔۔
آس
چھیکڑی سڈ
انت
(ستریاں سطراں(انتخاب)
آنونڑ آلیاں کتاباں
(دیوان_شرر (سرائیکی غزل)
(ذاد_راہ (نعت)
(کئو (سرائیکی نظم)
جناب غلام شبیر خان شرر صاحب سرائیکی زبان دے خوبصورت لکھاری ھن۔
جناب دی تصانیف توں معلوم تھیندے جو سرائیکی زبان نال کتنا پیار کریندن۔
جناب انتہائی قابل پڑھے لکھے شریف النفس انسان ھن۔
ایں وقت جناب
سچل ادبی و ثقافتی سنگت کوٹ ادو دے چیئرمین ھن۔
ایگزیکٹیو ممبر بانگ ادبی فورم تے
سینئرنائب صدر پچھانواں ادبی فورم تونسہ نال وی منسلک ھن۔
اللہ تعالیٰ جناب کوں چرک تئیں سلامت رکھے آمین۔
منتخب کلام شاعر۔
باز آندا نہیں جو ستاونڑ کنوں
ہجر جمدا مرے اینجھے جاونڑ کنوں
وصل دی رات دے ڈھیر بھالے گھدے
اے امیداں نہ ہن میکوں سانونڑ کنوں
بے وفا بے مروت یا کوی ناں وی ڈے
تھک ہئے ہیں اساں ہنڑ نبھاونڑ کنوں
لوک تنگ آ گئے ہن ایں دھرتی اتے
حسرتیں دے جنازے اٹھاونڑ کنوں
زندگی اج میڈے در تے دستک نہ ڈے
باز آ ونج میکوں لارے لاونڑ کنوں
ایں تو بہتر ہے چڑھ چڑھ کے میں مر ونجاں
کہیں دے احسان دے بار چاونڑ کنوں
توں جو پچھدیں میں ڈردا ہمی اے شرر
حادثیں دی حقیقت ڈساونڑ کنوں
۔۔۔۔۔۔۔۔۔۔۔۔
تئیں ساڈی کردار کشی لئو پورے شہر ہلچرا کیتے
جنڈڑی جیوی اساں چوکھا تیڈے نال کوئی لیکھا کیتے
ساری عمرہ اساں تاں ہیں یاریں دے بس نوکر رہ گئے
ہر ہک سنگتی کوشش کر کے ساڈے نال تاں دوکھا کیتے
توڑو جتنا طاقت ور ہا بھانویں وحشی ارل بلا ہا
یار قویلیں نانگ کوں مارݨ کیتے آخر ایکا کیتے
ہر او بندہ ہک ڈینھ آخر مونہہ دے بھرݨے آ کے ڈھاسی
کہیں دے مونڈھیں چڑھ کے جئیں وی اپݨے قد کوں اچا کیتے
ایں وی تھئے جو اساں اپݨے آپ انا دیاں قبراں کھٹین
مر گئے ہیں تاں ول سدھ پئی اے اساں اپݨا گھاٹا کیتے
۔۔۔۔۔۔۔۔۔۔۔
غزل
پرانڑیاں بھل کرائیں اکثر نویاں سنگتاں بنڑا گھندن
ضرورت مک ونجے تاں لوک لہجے وی وٹا گھندن
متھے محراب ہن خود کوں فرشتے جو سمجھدے ہن
پرائے عیبیں تے اکھ رکھدن الٹ ترتیب لا گھندن
توں کہیں کوں اپنڑیں غم دیاں داستاناں نہ سنڑایاں کر
اتھاں رو کے جیڑھے سنڑدن اگو کھل کے سنڑا گھندن
ادب ہے بے ادب دے ہتھ ادب تے اج زوال آ گئے
وڈے شاعر بنڑے پھردن جیڑھے مصرعے چرا گھندن
توں نا فرمان بنڑسیں جے بزرگیں دا تاں ذہن اچ رکھ
جیڑھے گھر اچ نہیں سکھدے اوکوں لوکی سکھا گھندن
کہیں کمظرف دیاں گالھیں توں سنڑ کے نہ پریشاں تھی
جیندا جتنا وی ظرف ہووے اوہو اتنا الا گھندن
شبیر شرر
تحریر:
جہانگیر سوز
Posted By:
FoMi BaLOch
Contact
Whatsapp
03449381525
Facebook
www.facebook.com/SadiBethak
Special Thanks
Malik Imtiaz Ahmad Saghir
❤️
Comments