Vasandar By Javed Asif PDF Saraiki Book
کتاب
وساندر
مصنف
سئیں جاوید آصف
اشاعت
ستمبر 2015
"جاوید آصف نال سونہہ سنڄاݨ"
سرکار جاوید آصف نال میڋی پہلی سنڄاݨ فیس بک توں تھئی تے اوندے بعد انھاں دے کلام کوں پڑھ کے انھاں دی شخصیت، سوچ تے فکر نال اتنی واقفیت تھئی ہے جو انھاں دی شاعری کوں پڑھدے ہوئیں محسوس تھیندے جو جیویں میں خود انھاں نال الیندا ٻیٹھا ہوواں۔
سئیں جاوید آصف بہوں حساس طبیعت دے مالک ہن۔ انھاں دی شاعری اچ ساکوں چھوٹیاں چھوٹیاں خوشیاں تے چھوٹے چھوٹے غم نظر آندن۔ انھاں دیاں غزلاں تے نظماں اپڻے معاشرے دیاں محرومیاں، بے وسیاں لاچاریاں، ڋکھ درد، مونجھ مونجھاریاں تے اِنھاں دے نال نال سرائیکی متھالوجی، وسیب دے رنگ روپ، وسیب دے واسیاں دی کارگزاری تے جیندے جاڳدے ٹردے پھردے لوک وی نظر آندن۔ جاوید آصف اپݨے حقیقی تے مجازی جذبات دا اظہار اپݨی شاعری اچ خوب انداز نال کریندن۔ کتھائیں تاں او خدا کول شکایت کریندے نظر آندن:
جئیں ویلے اوں خود نئیں ساکوں آپ شریک بݨایا،
اللہ سئیں کوں اوندے حال تے کلہا راہوݨ ڋتے
تے کتھائیں بلھے شاہ وانگوں نچ کے یار مناوݨ ویندے پئے ہوندن:
بلھے شاہ تاں نچ کے منایا ہݨ یار اے،
اساں اے کڈوکݨی دھمال ماری ودے ہیں
مجازی لحاظ نال انھاں دی شاعری اچ محبوب تے محبوب دے نین، لب تے زلفاں دی جھلک وی ملدی ہے۔ انھاں کوں کائنات اچ پھل، بوٹے تے پیپٹ وی ڋسدن تے انھاں دی اکھ وسیب دے لوکاں دی غربت دو وی ہے۔
ھے عید تاں لوکیں دے اتارے پیا پیندے،
مزدور گرانہہ منگ تے ادھارے ودا کھاندے
نظم "حیرانی " لکھ کے انھاں دِھیریں نمانڑیں دے ڄمݨ دے غم کوں وی سنڄاݨ ڋتی ہے تے ایندے نال نافرمان بچڑاں توں صدقے گھولی تھیندی ماء دا حال وی سݨائے۔
اوندے در توں ولا روندیں ولی ہے،
جیرھی گھر پتر دے ڳاندی ڳئی ہے
جاوید آصف دی شاعری اچ وسیب اچ شکاریاں دے ہتھوں پکھڑوواں تے درختاں دیاں ناپید تھیندیاں نسلاں دا المیہ وی ہے۔
پکھیاں سانگ بندوق رکھیندے اپݨے مونڈھے
وݨیں سانگ ہمیشہ ہتھیں آری رکھدے
سرکار آصف دی شاعری اچ متھالوجی تے ماڈرن سائنس نال نال ٹردن۔ جیندا حوالہ انھاں دی نظم "کاسمالوجی" ہے۔
جیکر انھاں دے ڈِکشن دی ڳال کروں تاں انھاں دیاں چھوٹی تے لمبی بحر دیاں غزلاں ڋوہیں برابر سونھڑپ رکھدین۔ لسانی، فکری، فنی تے مہارتی سارے حوالے اپݨی اپݨی جھا خوبصورت ہن۔ انھاں کول کہیں زبان تے کہیں علم نال تعلق رکھݨ آلا لفظ وی جھا بݨا گھندے۔ انھاں دی شاعری اچ Alliteration جھا جھا ملدی ہے جیرھی انھاں دے لفظاں اچ ہک اپنا کھچاؤ رکھدی ہے۔
آمیڋی مونجھ دا مداوا کر۔
کئی جھئیں تے Allusion وی میڋے سامھݨے آئن۔ ایندی ہک مثال انھاں دی نظم پچادھوں کون آندا پئے" ہے۔
تحریر:
عرفان بلوچ
Posted By:
FoMi BaLOch
Contact
Whatsapp
03449381525
Facebook
www.facebook.com/SadiBethak
Special Thanks
Malik Imtiaz Ahmad Saghir
❤️
Comments